Ginkumpirmar ni House prosecutor Chel Diokno nga si Congresswoman Leila de Lima ang magarepresentar sa prosecution panel sa oral arguments nahanungod sa voting threshold sa impeachment trial ni Vice President Sara Duterte.
Ini matabo sa Mierkules nga adlaw, Setyembre 23, kun sa diin pagadiskusyunan sa oral arguments kun magapabilin sa 16 ka boto ang kinahanglan para ma-convict ang impeached official ukon magabag-o ini depende sa kadamuon sang mga senator-judge nga aktuwal nga nagapartisipar sa trial.
Suno kay Diokno, magahatag sang posisyon ang prosecution sa isyu, pero ang impeachment court sa gihapon ang magadesisyon nahanungod diri.
Suno pa kay Diokno, may kamatuoran para sa prosecution ang panan-awan sang pila ka retired Supreme Court justices nga nagsiling indi standard nga 16 ka boto ang kinahanglan sa conviction.
Gin-athag man ni Diokno nga ang prosecution naga-focus sa pagpresentar sang mabakod nga ebidensya kag indi sa mangin desisyon sang impeachment court sa voting threshold.
