ILOILO CITY – Padayon nga gina-monitor sang Department of Agriculture kun bala, magapadayon ang pagsaka sang presyo sang itlog.
Base sa price monitoring data sang ahensya, ang itlog ang nagabalor sang P7 tubtob P9 nagikan sa P6 sang nagligad nga tuig.
Suno kay Department of Agriculture Assistant Secretary Kristine Evangelista, agud nga mahibaluan kun bala padayon ang pagsaka sang presyo sang itlog, kinahanglan nga lantawon kun ang root cause amo ang cost of production.
Suno naman sa Philippine Egg Board Association, may yara sang pagnubo sa produksiyon sang itlog sa pungsod bangud sa mataas nga operating expenses sang mga breeders nga resulta sang pagsaka man sang hatchling kag chicken pellet prices.
Dugang pa ni Evangelista, imbestigaran sang ahensya ang “layers of traders” kun bala, ini ang rason sang pagsaka sang presyo sang itlog.
