ILOILO CITY – Pabor ang Department of Education sa ginaduso nga pagpalawig sang klase nga Physical Education.
Ini ang may kaangtanan sa ginaduso ni Mariano Araneta, presidente sang Philippine Football Federation nga dapat hatagan sang mas malawig nga tion ang Physical Education class agud nga maka-angkon sang madamu nga physical activities ang mga estudyante.
Sa interview sang Bombo Radyo kay Nick Valenzuela, Divion Sports Coordinator sang Departrment of Education Iloilo, iya ginpahayag nga ang Physical Education ang isa lang ka component sang subject nga MAPEH.
Suno kay Valenzuela, ginatunga lang sang manunudlo ang pagtudlo sang tagsa ka component sang MAPEH rason nga isa lang ka bes sa isa ka semana ginatudlo ang Physiccal Education.
Ginpahayag ni Valenzuela nga mas mahatagan sang madamu nga program trainings kag activities ang mga estudyante kun madayon ang ginaduso ni Araneta.
Nahibalu-an nga lakip sa component sang subject nga MAPEH amo ang Music, Arts, Physical Education kag Health.
