ILOILO CITY – Nakaplastar na ang deployment kag tasking plan sang Public Safety and Transportation Management Office para sa New Year’s Eve.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga magaserbe nga augmentation force ang PSTMO personnel lakip na ang traffic enforcers sa Philippline National Police kag Bureau of Fire Protection.
Suno kay Conlu, magluwas sa pagbantay sa dalagan sang trapiko, magabulig man ang PSTMO personnel kag ang traffic enforcers sa pagbantay kag pagdakop sa mga nagapalupok sang firecrackers sa indi designated area.
Ginpahayag ni Conlu nga ginadumili-an man ang pagsunog sang daan nga ruyda sang salakyan ilabi na sa tunga sang dalan.
Target sang gobyerno suno sa natungdan ang zero casualty ukon injury may kaangtanan sa pagsaulog sang bag-ong tuig.
