BUENAVISTA, GUIMARAS – Depresyon ang ginalantaw nga rason sa kamatayon sang isa ka lalaki nga nagsaka sa poste sang kuryente sa Brgy. San Roque, Buenavista, Guimaras.
Sa interview sang Bombo Radyo kay Police Corporal Freddie Jallores, imbestigador sang Buenavista Municipal Police station, iya ginpahayag nga masami nga wala nagakaon kag nagapangasubo ang biktima nga si Jerwel Gabales Ymalay, 37 anyos sang Brgy. Tastasan sa banwa sang Buenavista.
Suno kay Jallores, ginapahayag nga ang depresyon sang biktima ang nag-ugat sang sila ang nagbulagay sang iya tiayon.
Ginpahayag ni Jallores nga tuyo man kun tani sang pamilya nga ipabulong ang biktima apang wala madayon bangud sa pila ka sirkumstansya.
Ginabanta nga nagataas sang 30 ka tapak ang poste nga ginsakaanYmalay kag bangud naglupok ang linya sang kuryente, nahulog ang biktima nga nangin rason sang iya kamatayon.
