ILOILO CITY- Naghingyo ang Iloilo City Government sang paghangop sa mga motorista kaangot sa pagpatuman sang rerouting kag road closure sa Iloilo City.
Sa interview sang Bombo Radyo kay Ret. Police Colonel Uldarico Garbanzos, pinuno sang Iloilo City Traffic Management Unit,
iya ginpahayag nga ipatuman ang road closure subong nga adlaw, Enero 24, may kaangtanan sa hiwaton nga Food Festival sa Dinagyang Festival 2024.
Suno kay Garbanzos, ginadumilian nga magsulod kag magguwa sa city proper ang mga trucks kag trailers samtang ginapatigayon ang nasambit nga aktibidad.
Ginhingyo man sang talatapan sa mga motorista nga mag-agi sa mga alternatibo nga ruta agud malikawan ang pagpug-ok sang trapiko.
Yari ang mga dalanon nga siraduhon sa mga motorista subong nga adlaw:
- Solis Street – Valeria Street- Muelle loney Street
- Iznart Street- Deleon Street- Ledesma Street
- Valeria Street- Ledesma Street- General Luna Street
- Delgado Street- Quezon Street- Fermin Caram Street
