Hugot nga ginatutukan sang Department of Migrant Workers (DMW) ang sitwasyon sang mga Pilipino nga naapektuhan sang nagapadayon nga tension sa border sang Thailand kag Cambodia.
Suno kay DMW Secretary Hans Leo Cacdac, yara sa 56 ka mga Pilipino sa Cambodia kag 259 naman sa Thailand ang direkta nga apektado sang tensyon.
Kadam-an sa mga ini ang mga manunudlo kag non-teaching personnel nga nagatrabaho sa mga eskwelahan malapit sa border sang Thailand nga temporarypo nga ginpa-evacuate bangud sa nagalala nga sitwasyon.
Gin-report man sang tiglikom nga 22 sa 56 ka mga Pilipino nga yara sa Cambodia ang nakatalana nga i-repatriate sa pungsod sa masunod nga semana.
Samtang, naghatag naman ang nasambit nga ahensya sang financial assistance para sa nagapanguna nga kinahanglanon sang mga manunudlo nga temporaryo nga nadulaan sang trabaho bangud sa kinagamo.
