Ginpaguwa sang International Criminal Court (ICC) ang “Document Containing the Charges” batok kay former President Rodrigo Duterte kaangot sa kaso sini nga ginapangatubang nga crimes against humanity.

16 ka pahina ang report nga ginsapubliko subong nga adlaw, kag nalakip sa gindetalye amo ang sistematiko nga “common plan” agud nga pangpatyon ang ginaalegar nga mga drug suspect halin sang 2011 tubtub sang 2019.

Sandig sa prosecution, may yara sang duha ka main hit groups nga amo ang Davao Death Squad (DDS) kag “National Network” nga amo ang ginapahayag nga nagpasangkad pa sang Davao model sa bilog nga Pilipinas sang 2016.

Tatlo ka counts sang murder ang gin-file batok kay Duterte nga amo ang masunod:

1) Davao City (2013-2016): 19 ka mga biktima

2) High-Value Targets (2016-2017): 14 ka mga biktima

3) Barangay Ops (2016-2018): 43 murders & 2 attempted murders lakip ang tatlo ka mga kabataan.

Ginaakusaran si Duterte nga amo ang nagdesinyo sang polisa, nagmandu sa mga hitman, kag nagpromisa nga makaluwas ang mga killer.

Ginlaragway ini sang ICC nga “widespread and systematic attack” batok sa mga sibilyan.

Ginhingadlan naman nga co-perpetrators ni Duterte ang duha ka incumbent senators nga sanday Ronald “Bato” Dela Rosa kag Christopher Lawrence “Bong” Go. Luwas sa ila, yara ang pangalan nanday Vicente Danao, Camilo Cascolan, Oscar Albayalde, Dante Gierran, Isidto Lapeña, Vitaliano Aguirre II, kag iban pa nga myembro sang PNP kag high-ranking officials.#

RELATED ARTICLESMORE FROM AUTHOR