Isa ka proactive move sang Department of Energy ang temporaryo nga pagsuspende sang Wholesale Electricity Spot Market agud malikawan ang tuman nga pagsaka sa presyo sang kuryente sa Pilipinas.
Ini matapos nga nagdeklarar ang nga magapatuman sila sang dugang nga P2 tubtob P4 per kilowatt hour sa bulan sang Abril.
Sa interview sang Bombo Radyo kay Raphael Dorilag, Manager sang Energy Sourcing Department sang More Electric and Power Corporation, iya ginpahayag nga subong nga may krisis sa langis, posible gid nga may ara sang magamay nga pagtaas sa rate sang kuryente.
Ini bangud nga nagaumpisa na nga mabatyagan ang tuman ka-init nga panahon sa bilog nga pungsod kun sa diin nagataas man ang demand sang publiko.
Dugang pa niya, posible nga pagagamitun sang MORE power ang ila Diesel Power plants kun pagakulangun ang ila nga suplay, apang wala ini gina-engganyo sang gobyerno bangud sa kulang nga suplay sang diesel sa Pilipinas.
