Nabawi na kag napadala na sa Bureau of the Treasury sang Department of Justice ang kabilugan nga 841 milyon pesos nga ginapahayag kickbacks sa mga flood control projects.
Suno sa ahensya, ang ini nga kantidad ang ginbalik sang apat ka mga indibidwal nga sa idalom sang Witness Protection Program.
Pinakadako sa gihapon nga nabalik sa gobyerno ang ginbalik ni anay DPWH Undersecretary Roberto Bernardo na P500 milyon.
Ginsundan ini ni anay Bulacan District Engineer Henry Alcantara nga may ara sang ginbalik nga P181.4 milyon, NCR District Engineer Gerard Opulencia nga P140 milyon, kag SYMS Construction Trading owner Sally Santos nga P20 milyon.
Nahibaluan nga sa ikalima nga State of the Nation Address ginpunto ni President Ferdinand Marcos Jr. nga ang tanan nga nabawi nga pondo halin sa anomalya sa flood control projects nga gilayon nga ginbalik sa Bureau of the Treasury kag pabayaron.
Nagapasalamat naman ang DOJ sa salig sang Presidente kag nagpangako nga magabulig sa Office of the Ombudsman agud masiguro nga mapasabat ang mga responsable kag mabalik sa mga Pilipino ang nakuha nga mga pondo.
