Gin-athag sang Department of Labor and Employment (DOLE) nga wala sang lauman nga may i-anunsyo nga may saka sa sweldo subong nga Labor Day.
Suno kay Labor Secretary Bienvenido Laguesma, wala sang awtomatiko nga wage hike announcement bangud tanan ini ang nagaagi sa maid-id nga proseso.
Walo ang pending nga wage hike petitions kag gina-review pa subong sang Regional Wages and Productivity Boards sa mga lugar kun sa diin ini gin-file.
Ang mga petisyon ang halin sa National Capital Region, Calabarzon, Western Visayas, kag Central Visayas.
Sa Rehiyon 6, may yara sang petisyon nga ang daily minimum wage ang ipasaka sa P550 halin sa ginabaton subong nga P410 tubtub sa P450.
Suno pa sa ahensya, kalabanan sa mga aktibidad subong nga ika-121 nga tuig sang Labor Day amo ang jobs, livelihood, kag business fairs sa bilog nga pungsod.
Mangin sa speech ni President Ferdinand ‘Bongbong’ Marcos, Jr., gin-siling sini nga nahibaluan sang gobyerno ang kabudlayan sang mga mamumugon sa tunga sang mataas nga inflation kag sa tunga sang transport crisis apang wala man sang na-mensyonar nga wage increase.
