Ginpasiguro ni Department of Public Works and Highways (DPWH) Secretary Vice Dizon nga pasabton ang tanan nga korap nga opisyal sa Bulacan 1st district engineering office.
Ginhimo ni Sec. Dizon ang pahayag kadungan sang iya pagpakigsapol sa mga bga-o nga gin-appoint nga mga opisyal sang Malolos, Bulacan subong nga adlaw.
Ginpatigayon ang sinapol sa conference room nga gintawag ni Dizon bilang “infamous room” sa diin yara ang lamesa nga ginalatagan sanhg yara sa P300 million nga ginapahayag nga gintunga-tunga sang anay DPWH district engineers nga sanday Henry Alcantara kag Brice Hernandez.
Suno kay Dizon, simboliko ang amo nga lugar bangud diri nag-usbong ang lapnagon nga iskandalo sa flood control projects.
Nagpromisa man ang tiglikon sang pagplastar sang mga solusyon kaupod ang mga bag-o nga opisyal sang district engineering office ng DPWH sa Bulacan.
Samtang, nakatalana man nga inpeksyunon ni Sec. Dizon ang mga maanomaliya nga proyekto nga uyat sang Bulacan 1st district engineering office.
