Indi magnubo sa 150,000 ka mga drivers kag operators sang Pinagkaisang Samahan ng mga Tsuper at Operator Nationwide (PISTON) ang maga-upod sa national transport strike bwas, Setyembre 30.
Sa interview sang Bombo Radyo kay Modesto Floranda, National President sang PISTON, iya ginpahayag nga ang pagpatigayon sang transport strike ang nahanungod sa pag-phaseout sa mga jeep kag UV Express service vehicles sa masunod nga tuig bilang kabahin sang Public Utility Vehicle modernization program sang gobyerno.
Suno kay Floranda, indi lamang ang mga jeep ang pangkuhaon sang gobyerno kundi ang palangabuhian sang mga tawo.
Nagpanawagan ang presidente sa tanan nga ma-upod kag indi mag-upod sa transport strike nga ipakigbato ang kinamatarong.
Nahibaluan nga ang transport strike ang patigayunon sang Alliance of Concerned Transport Organizations, Pinagkaisang Samahan ng mga Tsuper at Operator Nationwide (PISTON), Stop and Go kag iban pa nga mga grupo.
