Wala malingkang ang kampo sang mga biktima sang drug war sa mangin dalagan sang trial matapos nag-ilis sang legal counsel ang kampo ni anay Presidente Duterte.
Ang magabulos kay Nicolas Kaufman amo si Peter Haynes, isa ka British barrister kag eskperto sa international criminal defense.
Si Haynes ang ginakabig nga isa sa leading practitioners sa international criminal and humanitarian law nga may masobra sa 25 ka tuig nga eksperyensya sa mga korte sa The Hague lakip na ang ICC, ang International Criminal Tribunal para sa former Yugoslavia, kag ang Special Tribunal para sa Lebanon.
Sa ICC, na-representar na sini si former Congolese vice president Jean-Pierre Bemba kag nakabulig para sa iya acquittal sa korte.
Sa interview sang Bombo Radyo kay Atty. Gilbert Andres nga amo ang common legal representative para sa mga biktima sang drug war sa kaso nga crimes against humanity batok kay Duterte, iya ginpahayag nga sa ebidensiya kag sa mga detalye sang kaso sa gihapon ang taksanay sa trial.
Suno kay Andres, dako ang pagpati niya nga mapag-on ang ila ginauyatan nga mga ebidensya batok kay Duterte.
Nagalaum naman si Andres nga sa pagbag-o sang legal counsel ni Duterte, wala sang matabo nga delay kag masuguran na ang full-blown trial.
