Ginpadayaw sang DSWD ang ila mga nagapanguna nga programa agud batuan ang kagutom kag kaimulon sa pungsod.
Ini nga pagpakigbahin sa publiko natabo antes ang ikalima nga SONA ni President Ferdinand Marcos Jr. nga pagahiwaton alas 4:00 karon sa hapon.
Lakip diri ang Walang Gutom Program sang ahensya nga nagahatag sang P3,000 nga food credits kada bulan sa masobra 600,000 ka pamilya nga nagapangatubang sang tuman nga kakulangan sa pagkaon.
Target sang ahensya nga madala ini sa 750,000 ka pamilya antes matapos ang tuig.
Ginpadayaw man sang DSWD ang Walang Gutom Kitchen, nga nakahatag na sang kapin 300,000 ka mainit kag healthy nga pagkaon sa mga lugar kaangay sang Pasay, Cebu, kag Zamboanga.
Dugang pa sang ahensya 1.6 milyon ka pamilya na ang nakahalin na sa 4Ps bangod nag-ayo na ang ila kahimtangan sa kabuhi.
Padayon naman ang mga ini sa pagbulig sa mga pamilya nga may ara sang kabataan nga may kasablagan, teenage mom, kag mga biktima sang online sexual exploitation.
