Patay ang duha ka empleyado sang Benguet Provincial Engineering Office (PEO) matapos aksidente nga nahulog sa 100-metro kadalumon nga pil-as ang ginasakyan nila nga loader sa Brgy. Poblacion, La Trinidad, Benguet.
Ginkilala ang mga biktima nga sanday Rex Gayang kag Redentor Roldan nga lunsay residente sang La Trinidad.
Sa imbestigasyon sang La Trinidad Police, nadulaan sang preno ang loader nga ginasakyan sang apat ka empleyado samtang yara s pakurbada nga highway sa lugar.
Suno sa pulis, napaslawan ang driver sang loader nga kontrolon ang manibela sini rason nga nahulog ini sa pil-as.
Ang duha ka mga biktima ang napit-alan gid sang loader nga rason sang ila kamatayon.
Nakaluwas naman ang duha ka iban pa matapos nakalumpat apang nag-angkon man sang kapilasan.
