Duha na gid lamang ka communist guerilla fronts sa pungsod ang nagapabilin nga aktibo suno sa National Security Council (NSC).
Suno sa spokesperson sang opisina nga si Assistant Director General Jonathan Malaya, nakit-an nga naghina na ang 20 ka iban pa nga guerilla fronts, apang may pila nga may yara sa gihapon sang access sa mga armas gani nga posible gihapon nga makapang-atake.
Kun maghina suno kay Malaya, buot silingon sini, naubusan na sila sang “barangay” ukon mass base nga amo kuntani ang ginakuhaan sang pwersa kag suporta.
Bisan maka-atake pa sila suno kay Malaya, indi na kaangay sang pormasyon sang una nga maka-organisar sila sang 20-40 ka mga tawo.
Gin-report man sang natungdan nga na-clear sang National Task Force to End Local Communist Armed Conflict (NTF-ELCAC) ang masobra 2,000 ka mga barangay halin sa impluwensya sang rebelde nga mga grupo.
Ginpahayag nga may 400 pa ka mga barangay nga kontrolado pa sang communist terrorist groups.
Ini ang rason kun ngaa ginalauman suno kay Malaya nga magpain ang Kongreso sang pondo agud nga masuportahan ini nga mga barangay kag maadress ang ugat sang insurhensya. #
