NUEVA, VALENCIA, GUIMARAS – Duha ang patay sa pagpamuno nga nagluntad sa Brgy. Calaya, Nueva Valencia, Guimaras.
Ang mga biktima amo sanday John Emil Enrile, 28, nga isa ka Person With Disability, sang Brgy. Calaya kag Ernie Baylon, 33, sang Brgy. Guiwanon samtang ang suspek naman amo si Reynan Lobaton, 30, sang Brgy. Calaya.
Sa interview sang Bombo Radyo kay Police Master Sergeant John Rey Galfo, imbestigador sang Nueva Valencia Municipal Police Station, iya ginpahayag nga may yara sang nagluntad nga komosyon sa tunga sang isa sa mga biktima kag sa tiyo sang suspek.
Suno kay Galfo, nanugid ang tiyo tuhoy sa natabo nga nangin rason naman sang pagpamuno sang suspek nga may yara na nga daan sang murder case sang Mayo 2010.
Ginpahayag ni Galfo nga yara sa isa ka kamalig ang duha ka mga biktima sang natabo ang insidente.
