Gin-ako ni anay Presidente Rodrigo Duterte nga nakapatay siya sang 6 – 7 ka mga tawo sang siya pa ang alkalde sang Davao City .
Ini matapos nga ginpamangkot ni Gabriela party-list Rep. Arlene Brosas kun matuod nga nagpatay ini base sa iya nauna nga namitlang sa nakaligad nga hearing sa Senado.
Liwat ng ginpamangkot sang mamalidha si Duterte kun siya mismo ang nagapatay.
Nagsabat siya nga 6 ukon 7 ka tawo ang iya nga napatay apang indi niya mapat-ud kun napatay gid man ang mga ini.
Samtang, gin-ako man ni Duterte nga may tion nga nakapatay siya sang mga police officers nga involved sa mga krimen sang alkalde siya sang Davao City.
Ginhimo sang anay presidente ang pag-ako sang ginpamangkot ni Kabataan party-list Rep Raoul Manuel kaangot sa iya nga war on drugs.
Suno sa iya, madamo sang garok nga pulis sa Davao nga involved sa pagkidnap kag rape.
Matandaan nga sa nangin hearing sang Senado sang Oktubre 28, ginpahayag sang anay president nga nagtukod siya sang 7-man hit squad nga ginabug-usan sang mga gangster sang mayor siya sang Davao apang ginbawi man ini ni Duterte sang ginhingyo sang mga Senador nga klaruhon ini.
