ILOILO CITY- Wala sang kalain sang buot si Executive Assistant Raisa Trenas-Chu sa mga tawo nga nagapalapta nga may cancer ang iya amay nga si Iloilo City Mayor Jerry Treñas.
Sa interview sang Bombo Radyo kay Treñas-Chu, iya ginpahayag nga sa pihak sang ginahimo nga pagpalapta sang sala nga impormasyon tuhoy sa iya amay, wala ini sang iban nga handom kundi ang kaayuhan sang tanan.
Gin-athag man sini nga yara sa maayo nga kondisyon ang alkalde.
Suno sa iya, kinahanglan lang sang alkalde nga magpaidalom sa regular nga check-up kag naga-recover na ini.
Nahibaluan nga may yara sang problema sa bile duct ang alkalde apang wala man sang dapat kabalak-an suno sa iya kampo.
