Mas nagsangkad kag nag-ayo pa gid ang performance sang Filipino Olympic pole vaulter nga si EJ Obiena bag-o pa man ang pagahiwaton nga Asian Games sa Setyembre 2026.
Ginpasalamatan sini ang bag-o nga training environment rason nga suno sa Filipino athlete fully healthy na siya sa iya nga preparasyon.
Sa 2026 season, nakakuha na si Obiena sang pito ka gold medals, lakip ang iya season-best nga 5.85 meters sa isa ka kompetisyon sa Spain.
Suno kay Obiena, daku nga bulig ang iya bag-o nga training setup kag ang regular practice sini kaupod kay Emmanouil Karalis.
Mas flexible man suno sa atleta ang iya bag-o nga training program nga nakabulig man sa kondisyon sang iya lawas.
Sa subong, padayon naman ang pag-intra ni Obiena sa nagkalain-lain nga kompetisyon bilang preparasyon sini sa 20th Asian Games sa Aichi-Nagoya, Japan sa masunod nga bulan.
