eGin-athag sang Department of Health (DOH) nga may sundon sa gihapon nga “prioritization” sa tion nga nag-umpisa na ang COVID-19 vaccination sa A4 group ukon essential workers.
Suno kay Health Usec. Leopoldo Vega, ginakabig na nga priority sa vaccination sang essential workers ang mga empleyado nga naga-edad sang 40 anyos pataas.
“Itong June na to, bibilisan ang A1 to A3, may special lane ho ‘yan. Hindi mawawala sa vaccination centers, saka sa A4 dahan-dahan na. Lalo na 40 years old, uunahin sa mga working group. Mauuna ‘yung mas matanda. ‘Yung vulnerability kasi sa COVID-19 mas mataas sa matatanda,” pahayag ni Vega.
Una na nga ginpahayag sang DOH nga posible sa Hunyo pa maga-umpisa ang pagbakuna sa essential workers.
Sang damlag lang, ginpahayag man sang Malacañang nga nalakip na sa A4 priority group ang tanan nga government kag private workers kag mga nagatrabaho sa informal sector.
Suno sa National Economic and Development Authority (NEDA), ginabanta 35.5 million nga mga empleyado ang ginalauman nga mabakunahan sa idalom sang A4 priority group.
Sa pinakaulihi nga data sang DOH, nagadangat na sa 5.1 million nga mga indibidwal ang nabakunahan na sang COVID-19 vaccine.
