ILOILO CITY- Nanindugan ang pinuno sang Iloilo City District Engineering Office niya nga nakaproseso kag na-comply sang ila opisina ang application para sa building permit sa mga proyekto sa syudad.
Sa statement ni Engr. Roy Pacanan, ginkontra sini ang pahayag sang Office of the Building Official nahanungod sa pito ka mga proyekto nga ginapatuman sang Iloilo City District Engineering Office.
Suno kay Pacanan, ang mga applications sang building permits ang ginproseso sang kontraktor.
Apang paathag niya, agud padasigon ang proseso, naga-collaborate ang ila opisina sa Office of the Building Official kag sa city government agud matigayon ang approval kag mapadasig ang implementasyon sang proyekto.
Gin-isa-isa ni Pacanan ang mga proyekto nga ginalakipan sang:
Multipurpose buildings sa Concepcion, City Proper; Santa Filomena, Arevalo; Tanza Esperanza, City Proper; Balantang, Jaro; Katilingban, Molo; Jalandoni Memorial High School Sports Complex; kag Mandurriao Market.
Ginsiling man sini nga mismo ang City Building Official ang naghatag sang assurance sa ila nga ang applications sa building permit ang mahimo gihapon mapasa matapos nakompleto ang mga proyekto.
