Ginsentensyahan sang indi magnubo sa 24 ka tuig nga pagkapreso ang isa Chinese PhD student nga ginbansagan nga “one of the most prolific predators” sa UK.
Ini amo si Zhenhao Zou, isa ka Chinese national, nga ginpainom sang druga kag ginhimuslan ang tatlo ka mga babaye sa London kag pito ka iban pa sa China sa tunga-tunga sang Septyembre 2019 kag Mayo 2023.
Humalin sang ginsuguran ang trial sa kaso, 24 ka mga babaye ang nagtuhaw agud magsugid tuhoy sa ginhimo sang suspek sa ila.
Sa pagbasa sang sentensya sa iya sa Inner London Crown Court, ginsiling ni Judge Cottage kay Zou:
“You appear to the world to be a very well-to-do man. You are also a sexual predator.”
Suno kay Cottage, ginplano kag gin-execute ni Zou ang campaign of rape” kag ginkabig ang mga biktima bilang mga “sex toys” para sa iya kaugalingon nga kalipay.
Siya ang convicted sang 11 counts of rape, three counts of voyeurism, 10 counts of possession of an extreme pornographic image, one count sang false imprisonment kag three counts sang possession of a controlled drug with intent to commit a sexual offence.
Nagtago man ini sang trophy box sang mga personal nga gamit sang mga biktima kag gin-film pa ang siyam ka mga rapes samtang lipong ang mga biktima.
