Naghatag sang update si Department of Justice Secretary Frederrick Vida nga nagpadulong kahapon nga adlaw sa syudad sang Iloilo kasunod sang ginpatigayon nga 35th National Convention of the Prosecutors’ League of the Philippines, Inc.
Suno pa sa tiglikom nga wala pa sang ginapaguwa nga impormasyon ang DOJ nahanungod sa maanomaliya nga flood control projects sa pungsod bangud nagapadayon pa sa subong ang imbestigasyon.
Ginpahayag man sini nga sensitibo nga topiko ang flood control projects nga indi dali-dali mapakigbahin sa media ukon sa publiko bangud nagakinahanglan pa ini sang maid-id nga imbestigasyon.
Nagapati man ang tiglikom nga may ara sang kinamatarong ang publiko nga mahibaluan ang proseso sini kag mapalab-ot ang mga personalidad nga involved sa korapsyon sa flood control projects.
Sa madumduman nga nag-untat na sa ila operasyon ang Independent Commission for Infrastructure (ICI) nga amo ang gintukod nga magapanguna sang nagligad nga tuig agud nga magpanguna sa imbestigasyon sa mga palpak nga flood control projects sa pungsod.
Sa subong, ang Office of the Ombudsman kag Department of Justice ang nagapadayon sa nasambit nga imbestigasyon.
