Nakakuha sang guest role ang Filipino actor nga si Vincent Rodriguez III sa sikat nga American medical drama nga Grey’s Anatomy.
Ginpakigbahin ni Rodriguez nga tungdan sini ang role bilang isa ka pasyente sa isa ka episode sang series.
Suno sa aktor, madugay na sini nga handom nga malakip sa set kag ginpasalamatan sini ang production team, ilabi na ang special effects team nga naghimo sang prosthetics para sa iya nga eksena.
Sa pihak sang malip-ot lamang nga eksena sini, tuman naman ang pagapasalamat ni Rodriguez sa oportunidad nga mangin kabahin sang madugay na nga naga-air nga series.
Nagbubo naman ang pagtamyaw halin sa iya nga mga tagasuporta ilabi na sa iya nga mga abyan matapos nga nangin kabahin ini sang Grey’s Anatomy.
