GUIMARAS – May yara sang 7 ka community firecracker zone sa probinsya sang Guimaras.
Sa interview sang Bombo Radyo kay Guimaras Police Provincial Office Director Police Colonel Hector Maestral, iya ginpahayag nga ang banwa sang Buenavista kag Jordan ang may yara sang tag duha ka community firecracker zone samtang may tag-isa lamang ang banwa sang San Lorenzo, Sibunag kag Nueva Valencia.
Suno kay Maestral, may yara sang patigayunon nga fireworks display karon sa gab-i sa tagsa ka community firecracker zone.
Ginpahayag ni Maestral nga sa subong, may yara sang duha ka firecracker related injury sa bug-os nga probinsya sang Guimaras apang wala pa sang stray bullet incident.
Panugyan sang Guimaras Police Provincial Office Director sa tanan, maghalong sa pagsaulog sang bag-ong tuig agud nga makalikaw sa disgrasya.
Ang papahamtang sang community firecracker zone ang inisyatibo sang Guimaras Provincial Government.
