Ginpangunahan ni First Lady Liza Araneta Marcos ang ginhiwat nga PBBM: Pagpupugay para sa mga Bayani ng Bansang Makabayan sa isa ka hotel sa siyudad sang Iloilo.
300 tanan ka mga men in uniform sa pungsod nga napatay kag napilasan sa ila nga pagserbisyo ang ginhatagan sang pasidungog.
Nalakip diri ang mga men in uniform halin sa Regions 2, 5, 6, 7, 8, 10, 12, kag Bangsamoro Autonomous Region in Muslim Mindanao.
Mga myembro ang mga ini sang Bureau of Fire Protection (BFP), Philippine National Police (PNP), Armed Force of the Philippines (AFP), Philippine Coast Guard (PCG) kag iban pa nga ahensya.
Nagbaton sang pasidungog kag token ang pamilya sang mga napatay nga men in uniform.
Personal naman nga ginbaton sang mga personnel nga napilasan ang ila nga mga pasidungog.
Ini nga aktibidad ang base sa Comprehensive Social Benefits Program (CSBP) nga ginkonsepto kag gin-aprobahan sang Nobyembre 3, 2016, nga nagatukod sang isa ka komprehensibo nga framework para sa paghatag sang social services sa mga AFP kag PNP.
Ang CSBP nagalakip man sang Special Financial Assistance (SFA), Employment Assistance, Scholarships with Stipends, Shelter Assistance in collaboration with NHA, enrollment sa 4Ps-MCCT, Provision of Rice Subsidy, kag komprehensibo nga coverage sa idalom sang PHILHEALTH kag Medical Assistance.
