Patay ang anay alkalde sang Kalibo, Aklan kag beterano nga journalist nga si Johnny Dayang matapos gintiro sa sulod sang ila balay sa Barangay Andagao, Kalibo, Aklan.
Suno sa imbestigasyon, natabo ang krimen pila ka minutos lang ang nakaligad sang nakatapos kaon sang iya panyapon ang 79-anyos nga biktima.
Ginpahayag nga yara ini sa sulod sa ila nga sala sang nagsulod ang armado nga mga lalaki kag gintiro ini sang makapila ka beses.
Sa inisyal nga impormasyon, igo sa liog kag likod ang kabangdanan sang kamatayon sang biktima.
Antes ang insidente, ginpahayag nga makapila ka beses na nga nagpa-blotter sa pulis si Dayang bangud sa ginapahayag nga may mga armado nga mga indibidwal nga nagapanilag sa gwa sang ila balay.
