Aprubado na “in principle” sa komite sa Senado ang hagna nga ginduso agud nga pasakaan ang minimum wage sang P150 para sa bilog nga pungsod.
Suno kay Senate President Juan Miguel Zubiri, chairman sang Senate Committee on Labor, Employment and Human Resources, natalana na nga diskusyunan sang Technical Working Group ang proposed graduated wage increase scheme para sa micro, small, and medium enterprises.
“In principle, the Senate Committee on Labor has already approved our Across-the-Board Wage Increase Act,” pahayag ni Zubiri. “We expect that the Committee Report will come out in about two weeks, and we hope to pass the bill before we adjourn in June.”
Ginalauman nga maga-gwa ang committee report sa masunod nga duha ka semana, kag ginalauman nga mapasar na ang hagna antes mag-adjourn sa Hunyo suno sa senate president.
Kahapon sang nagpatigayon sang hearing ang Senate labor panel sa nagkalain-lain nga mga hagna may kaangtanan sa proposed minimum wage increase, lakip na ang Senate Bill No. 2022, ukon ang Across-the-board Wage Increase Act, nga nagaduso nga pasakaan sang P150 ang sweldo para sa private sector workers sa bilog nga pungsod.
Gin-insister ni Zubiri nga 1989 pa sang katapusan nga ginpatuman ang legislated minimum wage increase kag P89 gid lamang, antes ginpasar ang Republic Act 6727 nga amo ang nagtukod sang Regional Wage Boards.
Nakit-an ni Zubiri nga tuman ka nubo ang increase sang Regional Wage Boards kag tuman man ka hinay ang tikang apisar nagapamuroblema na ang mga mamumugon.
Yari ang kabahin sang pahayag ni Zubiri kun ngaa kinahanglan na nga i-adjust ang sweldo sang mga mamumugon sa pungsod. #
