Apisar dinekada na ang barrier lake nga na-porma anay sang landslide sa eastern Taiwan, wala sini nasarangan ang mabaskog nga daludo sang tubig sang naglaslas na si Super Typhoon Ragasa (ukon kilala man nga si Super Typhoon Nando sang diri sa Pilipinas).
Lunes kag Martes sang nagbubo ang mabaskog nga ulan sa eastern Hualien county sang amo nga isla.
Nag-alawas ang tubig sa Mataian Creek sang alas tres sang hapon sang Martes rason nga naguba ang taytay kag naglab-ot pa ang baha sa kaiping nga banwa.
Sa pila ka areas, lab-ot tubtub sa ikaduha nga panalgan sang balay ang kataason sang tubig-baha.
“In some places, water temporarily rose as high as the second floor of a house and was about (as high as) one floor in the town centre, where the water has been receding,” suno kay Lee Lung-sheng, deputy chief sang Hualien County Fire Department.
Ginkumpirma man sini nga 263 ka mga tawo ang na-trap kag nagdali-dali sa pagsaylo sa mas mataas nga area sa ila lugar bangud sa gulpyada nga pagsaka sang tubig.
“About 263 people were trapped and moved up to higher ground when the river suddenly rose. They are not in immediate danger, but they are very worried about the high water,” suno pa sa opisyal.
Duha ka mga tawo ang missing kag padayon pa nga ginapangita.
Sa bilog nga Taiwan, masobra 7,600 ka tawo ang ginpang-bakwit bangud sa amo nga bagyo.#
