ILOILO CITY- Ginturn-over na sang Iloilo Provincial Government sa Philippine Crop Insurance Corporation ang P15 million nga pondo agud mabuligan ang mga mangunguma nga naapektohan sang El Niño.
Sa interview sang Bombo Radyo kay Iloilo Governor Arthur Defensor Jr. iya ginpahayag nga gamiton ang kwarta agud i-enroll ang mga mangunguma sa crop insurance project sang gobyerno.
Suno kay Defensor, mangin palaagyan ang proyekto agud mahatagan sang kasiguraduhan ang tanum sang mga mangunguma ilabi na nga mabatyagan na ang epekto sang drought season sa probinsya sang Iloilo.
Ginpahayag man sang natungdan nga ang tikang ang makapamaayo kag makahagan-hagan sa problema nga ginapangatubang subong sang mga mangunguma.
Nahibaluan nga santo sa record sang Provincial Agriculture Office, naglab-ot na sa P420 million ang natuga nga halit sa humayan sang El Niño Phenomenon sa probinsya sang Iloilo.
