Patay ang isa ka 21-anyos nga graduating student sang Mindanao State University (MSU) matapos ginbuno sang tatlo ka kawatan nga nagsulod sa ila nga balay sa Brgy. Apopong, General Santos City.
Ang biktima amo si Miyuki Kim, 21-anyos.
Base sa imbestigasyon, isahanon lang si Kim sa ila nga balay matapos nga naglakata ang iya iloy kag stepfather para magtambong sa isa ka kahiwatan.
Suno sa iloy sang biktima, ginpaabot nila nga magaapas sa ila ang anak apang natingala sila na wala ini nagpakita sa okasyon.
Pagkasunod nga adlaw, nadiskubre na lang nila ang bangkay sang ila anak sa kwarto sini.
Sa dugang nga imbestigasyon, nadula man ang kwarta kag pila ka pagkabutang sang biktima.
Sa subong, tatlo ka persons of interest ang ginasundan sang mga otoridad.
 matapos ginbuno sang tatlo ka kawatan.){kind=link}