Nagduso si Sen. JV Ejercito sang hagna sa Senado agud mahatagan sang libre nga menstrual hygiene products ang mga babayi sa pungsod.
Sa idalom sang Senate Bill 2475, nakasaad nga dapat maghatag ang Department of Education (DepEd) sang libre nga menstrual essentials sa mga babayi nga estudyante sa public primary kag secondary schools.
Mangin katungdanan man sang Department of Health (DOH) nga magpanagtag sang menstrual hygiene products sa kada Barangay Health Center para sa mga babayi nga wala sang kuwarta agud ibakal sang kinahanglanon sa tion sang ila pamulanon.
“For so long, we have neglected menstrual rights of girls and women of our country; one of them is denying their right to accessible and affordable menstrual care products,” pahayag ni Ejercito sang gin-file ang hagna.
Ginsiling man sini nga bangud kulang ang edukasyon sa menstrual health care, may mga nagakatabo gihapon nga diskriminasyon kag stigma nga rason nga naga-absent ang mga estudyante bangud sa kahuya nga indi sila makasarang magbakal sang menstrual products.
“When people who menstruators-in-need are given equitable access to safe and free menstrual products to manage their menstruation, they decrease their risk of infections, which have effect on their sexual and reproductive health including reducing teen pregnancy and preventing urinary and reproductive tract infections,” suno pa sa senador.
Pananglitan mangin madinalag-on kag mahimo ini nga layi, magasunod ang Pilipinas sa tikang sang Scotland nga ginhimo nga libre ang menstrual products para sa mga nagakinahanglan.#
