Paga-imbestigaran sang Department of Energy sa Philippine Competition Commission (PCC) ang alegasyon nga possible may ara sang pagkinapihanay ukon cartelization sa senimana nga oil price adjustments.
Suno kay DOE Secretary Sharon Garin, dapat usisaon kon may ara sang naga-exist nga “anti-competitive behavior” sa tunga sang mga kompanya sang langis.
Ini bangod natalupangdan sini nga dululungan ang pagsaka sini kag halos alalangay ang kantidad sang ginadugang nga presyo.
Ginpahayag man ni Garin nga bukas ang ahensya sa pagrepaso ukon pagkay-o sa sini nga Sistema sa karon nga senimana nga price adjustment agud makaayo ini kaupod sang giya halin sa Kongreso.
