Iga-implementar subong nga Myerkules Santo ang half-day work from home arrangement para sa tanan nga naga-trabaho sa gobyerno.
Sa idalom sini nga arrangement, ang tanan nga personnel sang gobyerno ang mahimo mag-trabaho sa ila nga mga balay halin 8:00 sa aga tubtub 12:00 sa udto, samtang suspendido naman ang trabaho halin sa udto panaog.
Sa idalom sang Memorandum Circular No. 116, ginpaathag ni Executive Secretary Ralph Recto nga ang ginpanubo nga trabaho subong nga adlaw ang ginhimo agud nga mahatagan sang opurtunidad ang mga empleyado sang gobyerno nga mag-obserbar sang Huwebes Santo kag Byernes Santo sa Abril 2 kag 3.
Bangud sa sini nga schedule, mahatagan sila sang ligwa nga makabyahe sa mga rehiyon ukon sa ila tagsa ka mga probinsya para sa malawig nga break.
Apang ginklaro sa order nga magapadayon naman sa kinaandan nga mga operasyon ang mga ahensya nga nagahatag sang basic and health service, preparedness response sa disasters and calamities, kag iban pa pa nga vital services.
Magadepende naman sa mga employer kun sundon man ang work from home set-up kag ang suspension sang trabaho para sa Semana Santa.
Nahibaluan nga pila ka tuig na nga ginasunod ang work-from-home schedule sa kada Myerkules Santo sa Pilipinas kun sa diin kadam-an sa nagapuyo ang mga Katoliko.#
