Aprubado na ni Presidente Rodrigo Duterte ang paghatag sang hazard pay sa mga government frontliners batok sa Coronavirus Disease 2019.
Suno kay Sen. Bong Go, lakip sa mga mangin benepisyaryo sang hazard pay amo ang mga government personnel nga naga report sa trabaho sa pihak sang pagpatuman sang Enhanced Community Quarantine.
Kwalipikado man nga magbaton sang hazard pay ang mga may contract of service kag job order.
Nahibaluan nga mahimo makabaton sang indi magsobra P500 kada adlaw ang tanan nga mga government personnels.
Nagakinahanglan nga mag report sang mga empleyado sa trabaho kag ila tagsa ka mga opisina sa official working hours nga ginhatag sang pamunuan sang ahensya ukon kompanya.
