WESTERN VISAYAS – Gin-athag sang Office of the Presidential Assistant for the Visayas nga wala ginkuhaan sang katungdanan si Department of Health Region 6 Director Dr. Marlyn Convocar.
Ini ang may kaangtanan sa twinning aggreement nga nasaad sa Department Personnel Order No. 2020-023 sa diin gindesignar ni Department of Health Undersecretary Abdullah Dumama Jr. si Central Visayas Director Jaime Bernadas nga mag “oversee” sa mga operasyon sang COVID-19 Response sang Department of Health Western Visayas.
Sa interview sang Bombo Radyo kay Office of the Presidential Assistant for the Visayas Anthony Gerard “Jonji” Gonzales, iya ginpahayag nga magabulig lamang si Bernadas sa Western Visayas may kaangtanan sa COVID response kag indi nga islan ukon bayluhan si Convocar.
Suno kay Gonzales, brotherhood aggreement lamang ang “twinning aggreement” nga ginatawag sa diin magabuligay ang Western kag Central Visayas.
Pahayag niya, ang twinning aggreement ang wala sang kaangtanan sa mga reklamo sang mga local government unit sa Department of Health Region 6.
Nahibaluan nga nagpadulong sa Iloilo si Bernadas kag Gonzales sa diin nagpakigkita ini sa mga stakeholders, local government units, municipal health officers kag iban pa nga grupo kaupod si Dr. Convocar sa diin na istoryahan ang mga lihok kag bulig sang tagsa-tagsa sa pagtapna sang COVID-19.
