Naospital ang aktres kag fashion icon nga si Heart Evangelista matapos nagsuprer sang “extreme exhaustion.”
Ini ang ginkumpirmar sang iya longtime assistant nga si Resty Rosell kun sa diin nag-post ini sa Instagram sang laragway ni Heart nga yara sa hospital bed kag may nakatakod nga medical equipment.
Suno kay Rosell, ginpatam-an ni Evangelista ang iya lawas sa trabaho kag halos indi na makahulag sang maayo antes nagpasugot nga i-admit ini sa ospital.
“Sa sobrang hardworking ng batang ito, kailangan talaga umabot pa siya sa point na hindi na niya kaya before magpaconfine,” post ni Rosell. “Health is wealth, Ganda, sana naisip mo ‘yan, rest-rest din kapag may time.”
Ginmensyonar man sini ang bashers sang model-actress.
“Tapos itong mga lintek na bashers na ‘to kung husgahan ka grabe, hindi nila alam kung gaano ka kasipag para kumita lang ng pera.”
Wala naman gindetalye dugang sang assistant ang medical condition sang aktres.
Ang pagka-ospital ni Heart ang kasunod sang nangin pahayag sini sang nagligad nga pila ka semana kasunod sang pagkalipong niya sa Milan Fashion Week.
Sang amo nga tion, ginsiling ni Evangelista nga na black- out ini matapos nagtambong sa 14 shows sa international fashion event.
