Padayon nga nagabubo ang mensahe sang simpatiya kag kasubo ilabi na sa Original Pilipino Music (OPM) industry matapos ang kamatayon sang lead vocalist sang iconic band nga Aegis nga si Mercy Sunot.
Ginbawian sang kabuhi ang 48-anyos nga singer samtang naka-confine sa Stanford Hospital and Clinics sa San Francisco, California sang gab-i sang Nobyembre 17 (Nobyembre 18 sang aga oras sa Pilipinas).
Wala pa ginpaguwa sang pamilya ang detalye kun san-o ini igabalik sa Pilipinas.
Didto ang singer sa California para sa treatment sa iya Stage 4 breast cancer kag lung cancer.
Inadlaw antes ang iya kamatayon, naka-video pa ang vocalist kag naghingyo sa iya fans nga ipangamuyo siya kasunod sang critical lung surgery.
Nangin emosyonal sini samtang naga-update sa iya kondisyon kaangay sang kabudlay sa pagginhawa samtang yara siya sa ICU. Ginsiling sini nga ginhatagan siya sang steroids para mabuhinan ang inflammation.
Sa katapusan sini nga video, naggamit siya sang hashtags nga breast cancer warrior kag lung cancer warrior sa iya caption.
Yari ang full statement sang banda kasunod sang kamatayon ni Sunot:
“It is with heavy hearts that we share the news of the passing of Mercy, one of the beloved vocalists of AEGIS Band and the voice behind the hit song “Luha”. She bravely fought her battle with cancer but has now found peace and rest.
Mercy’s voice wasn’t just a part of AEGIS—it was a voice that brought comfort, joy, and strength to so many. She has touched countless lives, inspiring fans and lifting spirits with every song she sang. Her passion, warmth, and unforgettable presence on stage will forever be cherished in our hearts.
Let us come together to celebrate the incredible life she lived and the legacy she leaves behind.
Mercy, thank you for the music, the love, and the memories. You will be deeply missed.”
Una nga nakilala ang Aegis sang ’90s bangud sa ila hit songs nga “Halik,” “Sayang na Sayang,” “Basang-Basa sa Ulan” kag “Luha.” Ang mga kanta sang banda ang na-feature man sa musical nga “Rak of Aegis.”
Magluwas kay Mercy, yara man sa banda ang iya mga utod nga sanday Juliet kag Ken kag ang iban pa amo sanday Stella Pabico, Rey Abenoja, Rowena Adriano, kag Vilma Goloviogo.
Sang nagligad nga tuig, na-selebrar pa nila ang ila 25th anniversary paagi sa concert sa Parañaque City nga amo ang una nga bes nga ginharana nila ang ila fans sang Christmas-themed songs kaupod man sang career-spanning Greatest Hits set.
May natalana pa sila nga pre-Valentine concert nga “Halik sa Ulan” sa Pebrero 1 kag 2, 2025 sa Quezon City. #
