Ginkoronahan na bilang Miss Universe Philippines 2026 ang tiglawas sang La Union nga si Bea Millan-Windorski, matapos ang coronation night nga ginhiwat kagab-i, Mayo 2, 2026.
Si Windorski amo ang opisyal nga mangin kandidata sang Pilipinas para sa paalabuton nga Miss Universe 2026.
Lakip sa mga icomic performance ni Miss La Union amo ang iya pasarela ilabi na sa swimsuit competition nga nagstand-out gid sa nasambit nga kompetisyon.
Sa iya naman nangin sabat sa Question and Answer portion, gin-highlight sini nga apisar nga nagdako sya sa America bilang Filipina-American, nangibabaw gid ang iya pagpalangga sa Pilipinas.
Nagapati man si Windorski nga kinahanglan nga mas pasangkarun pa ang mga oportunidad para sa mga Pilipino agud nga indi na ang mga ini magkadto pa sa iban nga pungsod agud nga makaagum sang mas mayo nga pangabuhi kag mabuligan ang ila tagsa ka pamilya.
