ILOILO CITY – Ginabanta P700,000 nga balor sang illegal drugs ang nakuha sa isa ka durugista paagi sa buy bust operation sa Zone 13, Brgy. Calaparan, Arevalo, Iloilo City.
Ang arestado amo si Ronald Lacida Sabarillo, 35 anyos sang nasambit nga lugar kag ginakabig nga High Value Individual.
Nakuha gikan kay Sabarillo ang anum ka sachet sang suspected shabu nga nagabug-at sang 60 grams kag P15,000 nga buy bust money.
Suno sa Regional Drug Enforcement Unit nga amo ang nagpatigayon sang buy bust operation, napreso na sadto pa ang nasambit nga durugista matapos naangot sa kaso may kaangtanan sa illegal drugs.
