CALINOG, ILOILO – Nagapabilin nga at large ang tiyo nga nagluthang-patay sa kaugalingon nga hinablos sa Brgy. Supanga, Calinog, Iloilo.
Ang biktima amo si Jemar Libuna, 21 anyos samtang ang suspek naman amo si Barangay Kagawad Ronnie Canja, 45 anyos sang nasambit nga lugar.
Sa interview sang Bombo Radyo kay Police Captain Genesis Roque, hepe sang Calinog Municipal Police Station, iya ginpahayag nga daan nga hiligut-anon ang ginalantaw nga rason sa krimen.
Suno kay Roque, 12 gauge shotgun ang gingamit sang suspek sa pagluthang sa biktima nga dead on arrival sa hospital.
Ginpahayag ni Roque nga naka-angkon sang multiple gunshot wounds ang biktima nga natalana nga ipaidalom sa autopsy examination.
