Ginpagkit sang Creamline Cool Smashers ang pangalan sini bilang labing-una nga Grand Slam winners sa Premier Volleyball League (PVL) matapos nabulsa ang kampyonato sa 2024 Invitational Conference.
Nahimo ini sang Cool Smashers paagi sa paglutos sa Cignal HD Spikers sa isa ka five-set thriller sa Smart Araneta Coliseum subong nga gab-i, 21-25, 25-17, 20-25, 26-24, 15-13.
Nakumpleto sang Creamline ang kadalag-an sa isa lang ka season bangud una man sini nakuha ang championship sa All-Filipino kag Reinforced conferences.
Ginpanas sang team ang 1-2 deficit kag ginpakita ang ila dinastiya, eksperyensya, kag gahum batok sa HD Spikers nga una naman nila nga ginlutos sa five sets sa semifinals sang nagligad nga conference.
Sa premilinary round, nagtapos ang CCS nga may four-game sweep, samtang gina-uyatan naman sang Cignal ang 3-1 card nga ang kalutusan halin man mismo sa Creamline.
Yari ang individual awardees subong nga tuig:
Kyle Negrito – Best setter
MJ Perez- Best outside spiker
Erica Stantaun – Best outside spiker
Jackie Acuna – Best middle blocker
Low Mei Cing – Best middle blocker
Saya Taniguchi – Best opposite spiker
Kalyarat Khamwong – Best libero
Michelle Gumabao – Conference MVP
Ang bronze medal naman sini nga conference ang nadala-pauli sang Kurashiki Ablaze sang ginlutos sini ang Est Cola.##
