Apat na tanan ang mga petisyon nga ginpasaka agud nga pauntaton ang impeachment proceedings sang Kamara batok kay Vice President Sara Duterte.
Ginplastar ini ni House Committee on Justice chair Rep. Gerville Luistro sa iya opening remarks sa nagapadayon nga hearing sang panel.
Suno kay Luistro, ang una nga petisyon gin-file sang abogado sang religious leader nga si Apollo Quiboloy nga amo ang self-proclaimed “appointed son of God.”
Ang ikaduha nga nagpetisyon suno kay Luistro amo mismo si VP Sara nga gintiglawas sang madamo nga mga abogado.
Ang ikatatlo ginpasaka sang mga indibidwal nga kadam-an mga abogado nga nagakwestyon sang awtoridad sang committee kag basis sang impeachment proceedings.
Ang pinakaulihi nga petisyon sa Quezon City Regional Trial Court ang gin-file naman ni Atty. Mans Carpio nga bana ni VP Sara Duterte.
Tanan ini nga petisyon suno kay Luistro naka-sentro tanan sa legalidad apang wala man nagasabat sa mga akusasyon kay Duterte kaangay sang iya paggasto sang confidential funds.
Nagpasalig ang panel nga sabton nila ang tanan nga petisyon sa korte, kag padayunon nila ang ila proceedings sa lower chamber magluwas lang kun ipauntat sang Supreme Court.
