Ginpanindugan sang House prosecution panel nga napaslawan ang defense team ni Vice President Sara Duterte sa pag-“sabotahe” sang testimonya ni retired Sandiganbayan Presiding Justice Amparo Cabotaje-Tang.
Si Cabotaje-Tang nga nagretiro sang 2024 ang may 44 ka tuig nga eksperyensya sa pagdumala sang mga kaso nga may kaangtanan sa anti-corruption sa Supreme Court, Office of the Solicitor General kag Sandiganbayan.
Suno kay House prosecutor Terry Ridon sang Bicol Saro party-list, nagpabilin nga credible ang testimonya ni Cabotaje-Tang bisan pa sa mga pamangkot sang defense.
Ginpahayag ni Ridon nga ginpaathag sang anay Sandiganbayan justice ang importansya sang Statement of Assets, Liabilities and Net Worth ukon SALN, kag kun ngaa importante ang kamatuoran, transparency kag accountability sang mga mataas nga opisyal sang gobyerno.
“Hindi nasabotahe si Cabotaje-Tang. She served the government for 44 years, she testified why the SALN [Statement of Assets, Liabilities and Net Worth] reporting for public officials is important, why honesty weighs a lot, especially for high-ranking public officials, and why public officials should be transparent and accountable for their wealth,” suno kay Ridon nga isa sa duha ka lead prosecutors sa Article II nga naistoryahan sa proceedings kahapon, Septyembre 14.
“Our witness has her credibility intact, and I will repeat what many of the senator judges had stated. We thank her for the service to the nation, and we thank her today for basically delivering the message that public office is a public trust,” dugang ni Ridon.
Nahibaluan nga sa una pa lang kahapon, nagpamalabag na ang defense team nga papungkuon bilang witness si Cabotaje-Tang kag nagpahayag nga wala ini sang kaangtanan sa kaso.
Sa iya pagtestigo, ginpamangkot siya sang defense kon nakabaton siya sang bayad para sa iya testimonya kag kun kontra siya sa mga Duterte.
Gin-insister naman ni Tang nga wala siya gin-bribe ukon ginpromisahan sang ano man agud nga magtestigo.
“I will never testify if ever I was offered anything, material or otherwise. My testimony is not for sale,” suno kay Tang.
Ginkwestyon man ni Atty. Mark Vinluan si Cabotaje-Tang agud mabisto kun may political leaning ini. Lakip sa mga kwestyon amo kun mag-abyan ang retired justice kag si Akbayan Partylist Rep. Chel Diokno nga amo ang prosecutor nga nagpanguna kahapon sa presentasyon sang Article II.
“But are you anti-Duterte? Do you like VP Sara? Kakampink po ba kayo?” kabahin sang isa-isa nga pamangkot sang defense lawyer.
Ginpanindugan naman ni Cabotaje-Tang nga “apolitical” siya halin sang una, kag sa pagkamatuod, nagkontrahanay pa sila sang una ni Diokno sa mga kaso sa korte.
“I don’t know her personally… I’ve never been political in my life. I have always been apolitical,” kabahin sang mga sabat sang testigo.#
