Wala naghatag sang komento si Vice President Sara Duterte kaangot sa nagapadayon nga impeachment trial batok sa iya.
Naglikaw si Duterte sa pagkomento kaangot sa proceedings matapos ginhatagan sang show-cause orders ang duha ka prosecutors bangod sa ila mga ginpahayag may kaangtanan sa iya trial.
Siling ni Duterte, madamo na sang problema ang iya mga abogado kag indi na niya gusto nga madugangan pa ini bangod sa posible nga contempt.
“Mako-contempt ako sir, eh, kapag sumagot ako sa impeachment,” suno kay Duterte sa ambush interview.
“Masyado nang maraming problema ang mga abogado ko. Ayaw ko nang dagdagan yung kanilang problema with the contempt,” dugang niya.
Wala pa naka-atubang si Duterte sa Senate impeachment court kag ginarepresentar siya sang iya defense team; apang nakamuno ang prosekusyon nga possible nila ipa-subpoena ang vice president.
Nagsulod na sa ika-27 nga adlaw ang iya trial sang Lunes kun sa diin gina-istoryahan sang impeachment court ang Article II nga nagaakusar sa bise presidente sang pagtipon sang indi mapaathag nga maathag.
Natapos na sang House prosecution panel ang ila presentasyon sa Article I, nga nagaakusar sang pag-abuso sa confidential funds, kag Article IV, nga nagaakusar sa iya sang paghimo sang grave threats batok kay Presidente Ferdinand Marcos Jr. kag sa iban pa.#
