Plano nga pagabuksan sang House prosecution panel ang bank accounts ni Vice President Sara Duterte kun maga-umpisa na ang impeachment trial sa Senado.
Suno kay House Lead Prosecutor Gerville Luistro, may dala sila nga mga ebidensya nga halin sa mga bangko kag testimonya sang mga opisyal sini.
Ini nga mga dokumento wala pa napakita sa una nga hearing sa Kamara.
Pahayag pa ni Lusitro nga gina-konsiderar gid nila ang Bank Secrecy Law, nga nagaprotektar sang confidentiality sang bank records.
Ginpunto man sang kongresista nga may ara sang exemption ang nasambit nga layi kun sa diin ginapahanugutan lamang ang pagbukas sang bank records partikular na sa may ara sang kaso kaangay sang impeachment.
Suno sa ila, positibo sila nga pasugtan ini sang Senado bangud parte ini sang opisyal nga impeachment trial.
Sa bahin naman sang depensa ni VP Sara, nagapabilin pa sila nga wala sang komento samtang wala pa nagasugod ang pormal nga trial.
