Posible nga magdangop ang House prosecution team sa Korte Suprema pananglitan i-dismiss sang Impeachment Court ukon sang Senado ang impeachment case batok kay Vice President Sara Duterte nga wala na sang himuon nga trial.
Suno kay House prosecution spokesperson Antonio Bucoy, nagapati man ang panel sa impeachment process, kag nagasalig sila sa senator-judges nga himuon ang ila trabaho kag sundon ang ila sinumpaan. Apang dugang pa niya, kun botohan gid man sang impeachment court nga i-dismiss ang kaso, indi man ini mapunggan sang prosecution.
Ang ila nga himuon suno sa iya amo ang posible pagpasaka sang kaso sa Supreme Court.
“Ang recourse namin later on pag nangyari yan ay maaaring umakyat kami sa Supreme Court,” suno kay Bucoy. “Our recourse, in case it happens, is to raise it before the Supreme Court.”
Ini nga statement ang kasunod sang pahayag anay ni Senate President Francis Escudero, presiding officer sang Senate impeachment court, nga mahimo maka-desisyon ang senado paagi sa simple majority vote kun i-dismiss ukon indi ang kaso sang vice president.
