ILOILO CITY- Naglab-ot pa lang sa 22.97 %ang nabakunahan nga populasyon sang mga ido sa probinsya sang Iloilo.
Ini may kaangtanan sa mass dog vaccination kontra sa Rabies nga kampanya sang Iloilo Provincial Government.
Sa interview sang Bombo Radyo kay Dr. Darel Tabuada, Provincial Veterinarian, iya ginpahayag nga ini bangud nga may may local government units nga wala pa nakasugod sa pagpangbakuna sa mga ido.
Suno kay Tabuada, nagpasalig naman ini nga mga banwa nga malab-ot nila ang target nga vaccination rate sa tion nga mangin full- blast na ang pagpangbakuna subong nga Marso.
Nahibalaun nga ang mass vaccination nga nagsugod sang Enero 1 kag magalawig sa Abril 30 ang may katuyuan nga malab-ot ang 70% nga vaccinaton coverage sa populasyon sang mga ido sa kada banwa.
Una na gintumod ni Tabuada nga isa sa mga rason kun ngaa may mga banwa nga may problema sa implementasyon sang vaccination program sa barangay level bangud nga wala sang hired barangay vaccinator.
